कुकरचा रब्बर सैल झाल्यामुळे सगळा गॅस बाहेर निघून जातो, 5 मिनिटांत होईल काम

Cooker Rubber Tips : महिलांना जेवण बनवताना अनेक दिव्यातून जावं लागतं. एक मोठा अडथळा म्हणजे कुकरचा रब्बर सैल होणे. रोजच्या वापरातील कुकर असा अचानक काम करेनासा झाला की, खूप तारांबळ उडते. अनेक महिला सगळंच जेवण कुकरमध्ये करतात. अगदी भात, वरण, भाजी, केक यासारखे अनेक पदार्थ कुकरमध्ये होतात. कुकर सैल होऊन सगळी हवा बाहेर निघून जाते. अशावेळी पदार्थ शिजायला कठिण होते. अशावेळी नेमकं काय करायचं हे महिलांना कळत नाही. तेव्हा फक्त 5 टिप्सच्या मदतीने अवघ्या 5 मिनिटांत रब्बर करा ठीक. 

थंड पाण्याने धुवा 

कुकरच्या रबरमधून हवा जात असेल किंवा तो सैल होतोय असं वाटत असेल तर थंड पाण्याचा वापर करा. रब्बर 5 मिनिटे थंड पाण्यात ठेवा किंवा थंड पाण्याच्या नळाखाली रब्बर ठेवा. 

फ्रिजरमध्ये ठेवा

रब्बर अतिशय सैल होतो तेव्हा तो 15 ते 20 मिनिटे फ्रिजरमध्ये ठेवा. यामुळे तो आकुंचन पावतो आणि अगदी पूर्वापार होतो. 

गव्हाच्या पीठाचा वापर 

कणिक जेव्हा मळतो तेव्हा त्यातील काही कणिक हे रब्बर भोवती फिरवून ठेवा. जसे जसे कणिक सुकेल तसे ते आकुंचन पावते. आणि रब्बर घट्ट होतो. 

टेपचा वापर 

कुकरचा रब्बर घट्ट करण्यासाठी टेपचा वापर करा. कोणतीही चिकट टेप कुकरच्या रब्बरला गुंडाळा. 

अशी घ्या रब्बरची काळजी 

जेवण बनवून झाल्यास तात्काळ रब्बर स्वच्छ करावा 
रब्बर कायम झाकणातून बाहेर काढून ठेवावे 
रब्बर ओला करून ठेवावा 
वापरल्यानंरतर थंड पाण्यात ठेवावे