CISF मध्ये बारावी पास असणाऱ्यांना संधी, ६९ हजारपर्यंत मिळेल पगार

CISF Recruitment 2022: केंद्रीय औद्योगिक सुरक्षा दलामध्ये (Central Industrial Security Team, CISF) कॉन्स्टेबल पदांची भरती केली जाणार आहे. सीआयएसएफने कॉन्स्टेबलच्या रिक्त पदांसाठी (Constable Recruitment 2022)जानेवारीमध्येच नोटिफिकेशन जाहीर करण्यात आली होती. अर्ज करण्यासाठी काही दिवस उरले आहेत. बारावी उत्तीर्ण झालेल्या तरुणांसाठी सीआयएसएफमध्ये नोकरी मिळवण्याची ही उत्तम संधी आहे. याअंतर्गत निवड झालेल्या उमेदवारांना सरकारी नोकरी आणि उत्तम पगारही मिळणार असेल.सीआयएसएफ कॉन्स्टेबल वॅकेन्सी २०२२ चा सविस्तर तपशील अधिकृत वेबसाइटवर देण्यात आला आहे.

सीआयएसएफमध्ये या भरती प्रक्रियेद्वारे एकूण ११४९ पदे भरली जाणार आहेत. अंदमान आणि निकोबार, दादरा नगर हवेली, दमण आणि दीव, लक्षद्वीप आणि सिक्कीम वगळता देशातील इतर सर्व राज्ये आणि केंद्रशासित प्रदेशांमध्ये सीआयएसएफ कॉन्स्टेबलची भरती केली जाणार आहे. रिक्त पदांची संख्या वाढवता किंवा कमी करता येते.

पगार
ही केंद्र सरकारची नोकरी आहे. त्यामुळे केंद्रीय वेतनश्रेणीनुसार पगारही मिळणार आहे. प्रारंभिक वेतनश्रेणी ३ अंतर्गत, सीआयएसएफमध्ये कॉन्स्टेबलच्या पदांसाठी निवडलेल्या तरुणांना प्रति महिना २१,७०० रुपये ते ६९,१०० रुपये प्रति महिना दिले जातील. याशिवाय इतर सर्व भत्त्यांसह पूर्ण वेतन मिळणार आहे.

Army ADG Recruitment: अतिरिक्त डायरेक्टोरेट जनरल अंतर्गत विविध पदांची भरती

इस्टर्न कोलफिल्डमध्ये बारावी उत्तीर्णांना संधी, ३१ हजारपर्यंत मिळेल पगार

पात्रता
या पदासाठी इच्छुक आणि पात्र उमेदवार मान्यताप्राप्त शिक्षणसंस्थेतून विज्ञान विषयासह बारावी उत्तीर्ण असावेत. उमेदवारांचे वय १८ ते २३ वर्षांदरम्यान असावे. आरक्षित प्रवर्गांतील उमेदवारांना उच्च वयोमर्यादेत ३ ते १० वर्षांपर्यंत सवलत मिळणार आहे.

MMRDA Recruitment 2022: एमएमआरडीएत विविध पदांवर भरती
असा करा अर्ज
सीआयएसएफ कॉन्स्टेबलच्या नोकरीसाठी ऑनलाइन माध्यमातून अर्ज करता येणार आहे. फॉर्मची लिंक अधिकृत वेबसाइट cisfrectt.in वर उपलब्ध आहे. याचे निर्देश वेबसाइटवर उपलब्ध आहेत. एससी, एसटी, माजी सैनिक, राखीव प्रवर्गासाठी कोणतेही अर्ज शुल्क नसेल. इतर सर्व उमेदवारांना १०० रुपये शुल्क भरावे लागेल.

कॅन्टोन्मेंट बोर्डाच्या प्रशासकीय विभागात भरती, २५ हजार ते १ लाखापर्यंत मिळेल पगार
निवड प्रक्रिया
ही नोकरी मिळवण्यासाठी तरुणांना शारीरिक कार्यक्षमता चाचणी (PET), शारीरिक मानक चाचणी (PST), ऑनलाइन पद्धतीने होणारी लेखी परीक्षा, कागदपत्र पडताळणी आणि वैद्यकीय तपासणी यातून जावे लागेल.

पदभरतीचे नोटिफिकेशन पाहण्यासाठी येथे क्लिक करा
अधिकृत वेबसाइटवर जाण्यासाठी येथे क्लिक करा

NHM Recruitment: ‘या’ ५ जिल्ह्यांमध्ये राष्ट्रीय आरोग्य अभियानाअंतर्गत भरती
TCS Recruitment 2022: टाटा कन्सल्टन्सी सर्व्हिसेसमध्ये विविध पदांची भरती