Bigg Boss 16: कोण आहे शिव ठाकरे? न्यूजपेपर, दूध विकून केली करिअरची सुरुवात

शिव ठाकरे बिग बॉस मराठीच्या सीझन २ चा विजेता ठरला होता. या सत्राचे सूत्रसंचालन महेश मांजरेकर यांनी केले. बिग बॉस मराठी जिंकल्यानंतर शिव प्रकाशझोतात आला. शिव ठाकरे डान्सर आणि कोरिओग्राफरही आहे. शिवाचा जन्म ९ सप्टेंबर १९८९ रोजी अमरावती येथे झाला. त्यांच्या वडिलांचे नाव मनोहर ठाकरे. शिवने आपले प्रारंभिक शिक्षण अमरावती येथून केले. त्यांनी नागपूरच्या महाविद्यालयातून इंजिनीअरिंगची पदवी घेतली आहे. शिवने वडिलांच्या आनंदासाठी इंजिनीअरिंग केले, पण त्याला नेहमीच अभिनेता व्हायचे होते.

‘वेडात मराठे…’मध्ये वीर म्हणून झळकणार सत्या महेश मांजरेकर, कितवी शिकलाय जाणून घ्या

एमटीव्ही रोडीज रायझिंग मधून सुरुवात

शिव ठाकरेने एमटीव्ही रोडीज रायझिंग या टीव्ही रिअॅलिटी शोमधून करिअरची सुरुवात केली. या शोमध्ये तो रणविजय सिंगच्या गँगमध्ये होता. आपल्या रोडीज प्रवासाबद्दल बोलताना शिवाने सांगितले की, त्याला इथपर्यंत पोहोचायला पाच वर्षे लागली. शिवाने उपांत्य फेरी गाठली होती पण तो शो जिंकू शकला नाही. शिवने आपल्या मुलाखतीत सांगितले होते की, मला नकारात्मक भूमिका करायची आहे.

शिव हा व्यवसायाने डान्सर आहे. त्याने स्वतःचा डान्स स्टुडिओ उघडला आहे. त्याने अनेक शोमध्ये भाग घेतला आहे. शिव एक फिटनेस फ्रीक आहे. त्याला वर्कआउट करायला आवडते. तो अनेकदा त्याचे फिटनेस व्हिडिओ सोशल मीडियावर शेअर करत असतो.

Success Story: रिक्षा चालकाच्या मुलाने रचला इतिहास, परिस्थितीवर मात करत बनला सर्वात तरुण IAS