ब्युटी रूटीनसाठी बेस्ट कॉफी हॅक्स, त्वचा राहील अधिक तजेलदार

त्वचा राहते अधिक फ्रेश

फ्रिजमध्ये बर्फ जमा करण्यासाठी आपल्याकडे ट्रे असतो. त्यामध्ये तुम्ही बनवलेली काळी कॉफी ओता. काळी कॉफी म्हणजे पहिले पाणी ठेवा त्यात कॉफी घाला आणि उकळून घ्या. पाणी थोडं थंड झाल्यावर हे ट्रे मध्ये ओता आणि मग फ्रिजरमध्ये ठेवा. सकाळी उठल्यानंतर हे कॉफी क्युब्स चेहऱ्यावर लावा आणि हाताने चेहरा थोडा घासा. यामुळे तुमचा चेहरा दिवसभर फ्रेश दिसेल आणि चेहऱ्याची त्वचाही उत्तम राहायला मदत मिळते. कॉफीतील गुणधर्म तुमचा चेहरा अधिक फ्रेश दिसायला मदत करते.

कॉफी स्क्रब

कॉफी स्क्रब आजकाल खूपच ट्रेंडमध्ये आहे. सौंदर्यात भर घालण्यासाठी याचा अधिक प्रमाणात वापर केला जात आहे. यासाठी तुम्हाला बाजारात तयार कॉफी स्क्रबही मिळतो. पण याचा वापर करायचा नसल्यास, तुम्ही कॉफी ग्राऊंड्समध्ये नारळाचे तेल आणि वॅनिला एक्स्ट्रॅक्ट मिक्स करा. हे मिश्रण तुमच्या चेहऱ्याला आणि शरीराला आंघोळीच्या आधी लावा आणि काही मिनिट्स तसंच ठेवा. त्यानंतर बॉडी वॉशने हा कॉफी स्क्रब काढून टाका. यानंतर त्वचा अत्यंत मऊ आणि मुलायम राहाते. डेड स्किन काढून टाकण्यास याची मदत मिळते. हात लावल्यानंतर त्वचेतील फरकही जाणवतो. याशिवाय त्वचा दिसायलाही अत्यंत सौम्य आणि सुंदर दिसते.

(वाचा – आई झाल्यावर नटायला वेळ नाही मिळत? वापरा या सोप्या मेकअप टिप्स)

पफी डोळ्यांसाठी उत्तम उपाय

अनेकदा झोप होत नसेल अथवा तणावामुळे डोळ्यांना सूज येते अथवा सकाळी उठल्यानंतर पफी आईज दिसून येतात. त्यासाठी कॉफीचा उपयोग होतो. कॉफीची पावडर तेलात मिक्स करून तुम्ही डोळ्यांच्या खाली लावा आणि साधारण २० मिनिट्स तसंच ठेवा. यामुळे तुमच्या डोळ्याची सूज कमी होण्यास मदत मिळते. तसंच पफी आईजपासून सुटका मिळते. कॉफीमुळे चेहरा अधिक ताजातवानाही दिसू लागतो. बाजारातील कोणत्याही रासायनिक पदार्थांचा वापर करण्यापेक्षा कॉफी ग्राऊंड्सचा वापर करावा.

(वाचा – आंघोळीच्या पाण्यात मिसळा हा घरगुती पदार्थ, मिळेल तुकतुकीत त्वचा आणि होईल मॉईस्चराईज)

अँटी-एजिंग सॉल्युशन

कॉफी ग्राऊंड्समध्ये तुम्ही पाणी आणि टी ट्री ऑईल मिक्स करा. हे मिश्रण तुम्ही चेहऱ्याला लावा आणि व्यवस्थित सर्क्युलर मोशनमध्ये मसाज करावा. यामुळे रक्ताभिसरण प्रक्रिया चांगली राहाते आणि त्यामुळे चेहऱ्यावर सुरकुत्या येण्याच्या समस्यांपासून तुम्ही दूर राहाता. जर तुम्ही कमी वयातच सुरकुत्या येण्याच्या समस्यांना सामोरे जावे लागत असेल तर कॉफी ग्राऊंड्स हे अँटी-एजिंग सॉल्युशन म्हणून उत्तम ठरते. तसंच याचा काहीही दुष्परिणाम होत नाही. कॉफी नेहमी घरात असतेच. त्याचा तुम्ही वापर करून घ्या.

(वाचा -डिलिव्हरीनंतर चेहऱ्यावर दिसणाऱ्या Melasma वर रामबाण उपाय)

कॉफी फेसमास्क

दोन चमचे कॉफी घ्या आणि त्यात दोन मोठे चमचे कोको, दही आणि मध मिक्स करून घ्या. हे मिक्स केलेले मिश्रण तुम्ही चेहऱ्याला लावा. साधारण २० मिनिट्स कॉफी मास्क तसाच ठेवा आणि मग स्वच्छ पाण्याने चेहरा धुऊन घ्या. यामुळे चेहरा अधिक मऊ आणि चमकदार होण्यास मदत मिळते. तुम्हाला जर पार्लरमध्ये जायला वेळ नसेल आणि कमी वेळात त्वचा अधिक सुंदर आणि चमकदार करायची असेल तर या हॅक्सचा वापर नक्की करून पाहा. कॉफीच्या वापरामुळे तुम्हाला त्वरीत ग्लो मिळण्यास मदत होईल.

कॉफी ही केवळ पिण्यासाठीच नाही तर तुमची त्वचा अधिक तरूण राखण्यासाठी आणि चमकदार करण्यासाठी याचा उपयोग करून घ्या. घरातील कॉफीचे फायदे तुम्हाला त्वचेसाठी करून घेता येऊ शकतात.

(फोटो क्रेडिटः Freepik.com)