Axar Patel Meha Marriage: संगीत सोहळ्यात अक्षर आणि मेहाचा जबरदस्त डान्स, पाहा व्हायरल VIDEO

Axar Patel Wedding Video : भारतीय क्रिकेट संघाचा खेळाडू केएल राहुल (KL Rahul) अभिनेत्री अथिया शेट्टी (Athiya Shetty) यांनी नुकतंच लग्न केले. ज्यांच्या लग्नाची चर्चा असून सुरु असताना आता आणखी एक भारतीय क्रिकेटर लग्नाच्या बेडीत अडकत आहे. स्टार ऑलराऊंडर अक्षर पटेल हा (Axar Patel) त्याची प्रेयसी मेहा पटेलसोबत लग्न करणार आहे. आज म्हणजे (26 जानेवारी) रोजी अक्षर मेहा पटेलसोबत लग्न करणार आहे. दरम्यान लग्नाआधी एकदिवस म्हणजेत काल रात्री संगीत सोहळ्याचे आयोजन करण्यात आले होते. यामध्ये अक्षर आणि त्याची होणारी प्तनी मेहाने जबरदस्त डान्स केला. अक्षर आणि मेहाच्या डान्सचे व्हिडिओ सोशल मीडियावर चांगलेच व्हायरल होत आहेत. चाहत्यांना देखील हे  व्हिडीओ तो खूप आवडत आहेत. यावर लाईक्स आणि विविध प्रकारच् कमेंट्स येताना दिसत आहेत.

अक्षर आणि मेहा 26 जानेवारीला गुजराती परंपरेनुसार वडोदरात लग्न करणार असल्याची माहिती समोर आली आहे. या दोघांच्या लग्नाला अनेक जवळचे मित्र आणि नातेवाईक उपस्थित राहणार आहेत. अक्षरने भारतीय क्रिकेट संघातील खेळाडूंनाही आमंत्रित केले आहे. मेहंदी सोहळ्यात टीम इंडियाचा खेळाडू जयदेव उनाडकटही उपस्थित होता. उनाडकटने इन्स्टाग्रामवर फोटोही शेअर केले आहेत. अक्षरच्या संगीत सोहळ्यात अनेक जवळचे मित्रही उपस्थित होते. यामध्ये त्याने त्याची भावी पत्नी मेहासोबत जबरदस्त डान्स केल्याचं दिसून आलं.

पाहा VIDEO-

अक्षर और मेहा ने शादी से पहले संगीत सेरेमनी में किया डांस#AxarPatelWedding pic.twitter.com/9dwyf7BGrO

— Abhinav Azad (@iabhinavazad) January 26, 2023

समोर येणाऱ्या माहितीनुसार अक्षर आणि मेहा एकमेकांना खूप दिवसांपासून ओळखत होते आणि याच काळात ते खूप जवळही आले होते. आता दोघेही लग्न करणार आहेत. अक्षरची भावी पत्नी मेहा पटेल (Meha Patel) ही एक प्रोफेशनल डायटीशियन आहे. ती न्यूट्रीशनिस्ट देखील असून मेहा पटेलने यापूर्वी तिच्या इन्स्टाग्राम अकाउंटवर अक्षर पटेलसोबतचे अनेक फोटो शेअर केले होते. मेहा पटेलने या इन्स्टाग्राम पोस्टद्वारे अनेक डाएट प्लॅन शेअर केले आहेत. याशिवाय ती डाएटशी संबंधित माहिती देखील शेअर करत असते. सोशल मीडियावर ती चांगलीच सक्रिय असते.  दुसरीकडे अक्षरबद्दल सांगायचे तर, त्याने लग्नासाठी टीम इंडियातून सुट्टी घेतली आहे. केएल राहुलनेही लग्नासाठी सुट्टी घेतली होती.

हे देखील वाचा-