MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
मुंबई विद्यापीठाने दोन वर्षापुर्वी दीक्षांत समारंभाच्या पोषाखात बदल केला आहे. त्यानुसार पैठणी किनार असलेला शिवकालीन अंगरखा आणि मुंबईचे आद्य शिल्पकार जगन्नाथ तथा नाना शंकरशेट पगडी असा हा पेहराव असणार आहे. दरम्यान दोन वर्षाच्या करोना काळात दीक्षांत समारंभ ऑनलाइन झाल्याने या दोन वर्षात पदवी मिळालेल्या विद्यार्थ्यांना पेहराव परिधान करता आला नाही. पण आता करोना रुग्णसंख्या आटोक्यात आल्यानंतर महाविद्यालय, विद्यापीठांमध्ये ऑफलाइन वर्ग सुरु झाले आहेत. अशातच पदवी प्रदान सोहळा देखील ऑफलाइन होत आहे. पदवी घेतानाचा विशिष्ट पेहरावातील आपला एक फोटो असावा अशी इच्छा प्रत्येक पदवीधराच्या मनात असते. यासाठी विद्यार्थी धावपळ करुन पदवी प्रदान सोहळ्याला उपस्थित राहतात आणि वैयक्तिक आणि ग्रुप फोटोसेशन करतात. अशावेळी नियम बदलल्याचे कळल्याने अचानक नवीन पेहराव कुठून आणायचा? असा प्रश्न काही विद्यार्थ्यांनी उपस्थित केला. यामुळे अनेक विद्यार्थ्यांचा हिरमोड झाला होता.
JIPMER Recruitment 2022: जिपमरमध्ये विविध पदांची भरती
काही महाविद्यालयात झालेल्या पदवी प्रदान कार्यक्रमावेळी विद्यार्थी काळ्या रंगाच्या पेहरावात दिसले. तर काही विद्यार्थी असून नवा ड्रेसकोड अनिवार्य असेल का? यावरुन गोंधळात आहेत. यावर मुंबई विद्यापीठाचे परीक्षा नियंत्रक विनोद पाटील यांनी स्पष्टीकरण दिले आहे.
HSL Recruitment 2022: संरक्षण मंत्रालयाअंतर्गत विविध पदांची भरती
मुंबई विद्यापीठातर्फे दीक्षांत समारंभाच्या पोषाखात बदल करण्यात आला आहे. पण महाविद्यालयात होणाऱ्या पदवी प्रदान कार्यक्रमादरम्यान विद्यार्थ्यांनी हाच पोषाख परिधान करावा असे अनिवार्य करण्यात आले नाही. त्यामुळे विद्यार्थ्यांना कोणत्या पेहरावाचे बंधन नसेल असे विनोट पाटील यांनी महाराष्ट्र टाइम्स.कॉमशी बोलताना स्पष्ट केले आहे. यामुळे कोणता ड्रेस परिधान करायचा यावरुन संभ्रमात असलेल्या विद्यार्थ्यांना दिलासा मिळाला आहे.
PCMC Recruitment 2022: पिंपरी चिंचवड पालिकेत महिलांना नोकरीची संधी
BMC Recruitment: मुंबई महानगरपालिकेत भरती, थेट मुलाखतीतून होणार निवड
