हिवाळ्यात केसांची निगा कशी राखाल? केसांच्या आरोग्यावर होणारा गंभीर परिणाम टाळा

केसांचे आरोग्य सर्वात जास्त खराब होते ते हिवाळ्यात. हवा कोरडी असल्यामुळे केसांमध्ये कोंडा होणे, त्वचा कोरडी होणे, टाळूला खाज येणे यासारख्या समस्या दिसून येतात. त्यामुळे केसांची निगा हिवाळ्यामध्ये कशी राखायची हेदेखील तितकेच महत्त्वाचे आहे. यासाठी आपण आपल्याला माहीत असलेले घरगुती उपाय तर वापरत असतोच. पण डॉ. रिंकी कपूर, कन्सल्टंट डर्मेटोलॉजिस्ट, कॉस्मेटिक डर्मेटोलॉजिस्ट आणि डर्मेटो-सर्जन, द एस्थेटिक क्लिनिक्स यांच्याकडून हिवाळ्यात केसांची निगा कशी राखायची याची महत्त्वाची माहिती आम्ही खास तुमच्यासाठी घेतली आहे. तज्ज्ञांचा सल्ला न टाळता तुम्ही केसांची काळजी घ्या.

तेल लावायला विसरु नका

हिवाळ्यात टाळूवरील त्वचा कोरडी होऊन खाज सुटते आणि त्यामुळे कोंडा होण्याची शक्यता वाढते. आठवड्यातून एक किंवा दोनदा केसांना आणि टाळूवर थोडेसे कोमट तेल मसाज केल्याने केसांच्या मुळांचे पोषण होण्यास मदत होईल. हिवाळ्यात तेल लावल्याने केसांच्या मुळांना रक्तपुरवठा होण्यास मदत होते तसेच केस आणि टाळू मॉइश्चराईज होतात. नारळाचे तेल, रोझमेरी तेल, बदामाचे तेल, तीळाचे तेल, ऑलिव्ह ऑईल, जोजोबा ऑईल इत्यादी तेलांचा वापर करून पाहू शकता.

हेही वाचा :  ओल्या केसांवर टॉवेल गुंडाळून ठेवता? केसांवर होईल हा महाभयंकर परिणाम

जास्त वेळा केस धुऊ नका

नैसर्गिक तेल स्रावामुळे हिवाळ्यात टाळू खूप तेलकट बनते. जास्त वेळा केस धुण्याचा मोह टाळावा. आठवड्यातून जास्तीत जास्त दोनदा केस धुणे योग्य राहील. तुमचा शँपू आणि कंडिशनर सल्फेट आणि पॅराबेन फ्री असावे. केस अधिक वेळा धुतले म्हणजे ते अधिक चांगले राहतात असं अजिबात नाही. त्यामुळे हिवाळ्यात केसांची काळजी घेताना या टिप्स नक्की लक्षात ठेवा.

कंडिशनिंग करा

शॅम्पू केल्यानंतर कंडिशनर कधीही वगळू नका. केसांना कंडिशन करण्यासाठी फक्त पाच मिनिटे लागतात. असे कंडिशनर शोधा ज्यात नारळापासून तयार केलेली उत्पादने आहेत जसे की सेटाइल अल्कोहोल जे प्रत्येक थराचे संरक्षण करतात आणि केसांना मॉइश्चराइज करतात. अशा प्रकारे तुम्ही तुमचे केस कोरडे होण्यापासून वाचवू शकता आणि केस तुटणे देखील टाळू शकता. कंडिशनर केसांच्या मुळांवर न लावता खालच्या दिशेने केसांच्या टोकापर्यंत लावा आणि काही मिनिटे तसेच राहू द्या आणि नंतर स्वच्छ पाण्याने धुवा.

(वाचा – ब्युटी रूटीनसाठी बेस्ट कॉफी हॅक्स, त्वचा राहील अधिक तजेलदार)

ओले केस घेऊन कधीही बाहेर पडू नका

हिवाळ्यात केस सुकवणे हे एक मोठे काम आहे. परंतु ओल्या केसांनी हवेत बाहेर पडणे अधिक नुकसानकारक ठरेल. हिवाळ्यातील हवेत ओले केस जास्त प्रमाणात तुटतात. केसांना नैसर्गिकरित्या कोरडे होऊ द्या परंतु टॉवेलने जोरात घासू नका. केवळ हिवाळ्यातच नाही तर कोणत्याही हंगामात ओल्या केसांनी बाहेर पडणं टाळा. कारण प्रदूषणामुळे धूळ केसाला चिकटते आणि त्यामुळे केस लवकर खराब होतात. तसंच थंडीच्या दिवसात केस सर्वात कमकुवत होतात आणि अशा कमकुवत केसांवर उष्णतेचा वापर केल्याने केस तूटू शकतात. हिवाळ्यात केसांना ब्लो ड्रायरचा वापर करु नका.

हेही वाचा :  ‘महाराष्ट्राची हास्यजत्रा' फेम प्रसाद ओकचे घर आहे आशियाना, इंटिरिअरने डोळे दिपतील

(वाचा – Hair Fall: दररोज किती केस गळणे सामान्य आहे, डॉक्टरकडे कधी जावे? तज्ज्ञांकडून जाणून घ्या सगळं काही)

योग्य आहाराचे सेवन करा

केस निरोगी ठेवण्यासाठी तुमचा आहार महत्त्वाची भूमिका बजावितो. गाजर, अंडी, भोपळा आणि बेरीज यासारखे प्रथिने आणि जीवनसत्त्वांचा समावेळ असलेल्या अन्नाचे सेवन करा. ओमेगा ३ समृद्ध अन्न जसे की पालेभाज्या, दुग्धजन्य पदार्थ आणि फॅटी अॅसिड तुमच्या केसांच्या आरोग्यास चालना देतात. बदाम, काजू, शेंगदाणे, भोपळ्याच्या बिया केस तुटण्याची शक्यता कमी करतात आणि केसांची चमक वाढवतात.

(वाचा – मुलतानी मिट्टीचे हे फेसपॅक देतील तुम्हाला तरूण त्वचा, सुरकुत्या होतील गायब)

हे लक्षात ठेवा

  • पुरेसे पाणी पिऊन शरीर हायड्रेट ठेवा
  • कोरडी हवा केसांना शुष्क बनवतात. त्यामुळे केसांचे नुकसान होते आणि केस तुटण्याचे प्रमाण वाढते
  • लिव्ह इन कंडिशनर लावा, रेशमी स्कार्फ वापरा
  • टाळूवरील ताण कमी करण्यासाठी केस खालच्या दिशेने विंचरा

केसांची काळजी हिवाळ्यात घेताना या सर्व टिप्स लक्षात ठेवा आणि त्याप्रमाणे काळजी घेण्याचा प्रयत्न करा. अत्यंत साध्या साध्या टिप्स असून तुम्हाला केसांचा चांगले राखण्यासाठी नक्कीच प्रयत्न करतात.

हेही वाचा :  26/11 दहशतवादी हल्ल्याच्या मास्टरमाइंड हाफिज सईदचा सहकारी ठार? कराचीमध्ये गोळ्या घालून हत्या

(फोटो क्रेडिटः Pexels)

Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

रामायणावर आधारित नाटकामुळे IIT मुंबईच्या विद्यार्थ्यांना प्रत्येकी 1 लाख 20 हजारांचा दंड; तक्रारीत काय म्हटलंय पाहा

इंडियन इन्स्टिट्यूट ऑफ टेक्नॉलॉजी (IIT) मुंबईने रामायणाचे विडंबन मानले जाणारे ‘राहोवन’ हे वादग्रस्त नाटक सादर …

‘मराठी माणूस यांची चड्डीपण..’, ‘बिनशर्ट’वरुन मनसेचा ठाकरेंवर हल्लाबोल; म्हणाले, ‘हिरव्या..’

Uddhav Thackeray Vs Raj Thackeray: राज्याचे माजी मुख्यमंत्री उद्धव ठाकरेंनी शिवसेनेच्या 58 व्या वर्धापनदिनानिमित्त दिलेल्या …