‘आणखी शस्त्रं द्या,’ झेलेन्स्कींची युरोपीयन राष्ट्रांकडे मागणी, रशिया-युक्रेन युद्ध आणखी पेटणार ?


रशियन फौजांकडून कधीही हवाई हल्ले होण्याची शक्यता असल्याचं सांगण्यात आलंय.

रशिया आणि युक्रेन यांच्यातील युद्धाचा आजचा १९ वा दिवस आहे. हा संघर्ष अजूनही संपलेला नसून युद्धामध्ये दोन्ही देशांमधील सैनिकांचा मोठ्या प्रमाणात मृत्यू होतोय. असे असताना युद्ध आणखी पेटण्याची शक्यता आहे. कारण युक्रेनचे राष्ट्राध्यक्ष वोलोडिमिर झेलेन्स्की यांनी मंगळवारी युरोपीयन राष्ट्रांकडे शस्त्रांची मागणी केली आहे.

रशियाविरोधात युद्ध करण्यासाठी झेलेन्स्की यांनी युरोपीयन राष्ट्रांना शस्त्रे पुरवण्याचे आवाहन केले आहे. “आपण सर्वच रशियाचे लक्ष्य आहोत. म्हणूनच युक्रेनचे अस्तित्व टिकले नाही, तर पूर्ण युरोपसाठी ते धोकादायक ठरेल. त्यामुळे तुम्ही आमची मदत करुन तुमच्या स्वत:चीदेखील तुम्ही मदत करावी,” असं झेलेन्स्की यांनी युरोपीय राष्ट्रांनी उद्देशून म्हटलंय. असे आवाहन करताना झेलेन्स्की यांनी या राष्ट्रांकडे शस्त्रांची मागणी केली आहे.

झेलेन्स्की यांच्या या आवाहनानंतर युरोपीयन देशांकडून युक्रेनला शस्त्रांचा पुरवठा झाल्यास रशिया-युक्रेन यांच्यातील संघर्ष वाढण्याची शक्यता आहे. तर दुसरीकडे युक्रेन प्रशासन देशातील नागरिकांना योग्य ती खबरदारी घेण्याचे सांगत आहे. मिळालेल्या माहितीनुसार युक्रेनमधील चेर्नीव्ह येथील प्रशासनाने देशभरात अलर्ट जारी केलाय. यामध्ये रशियन फौजांकडून कधीही हवाई हल्ले होण्याची शक्यता असल्याचं सांगण्यात आलंय. त्यामुळे संभाव्य हवाई हल्ल्यांमुळे युक्रेनमधील नागरिकांनी सुरक्षित ठिकाणी आश्रय घ्यावा, असे सांगण्यात आले आहे. युद्ध सुरु झाल्यापासून म्हणजेच २४ फेब्रुवारीपासून युक्रेनमध्ये आतापर्यंत ६३६ नागरिकांचा मृत्यू झालाय, असे संयुक्त राष्ट्राने सांगितले आहे.

हेही वाचा :  Ukraine Russia war : सोनू सूदला वाटतेय युक्रेनमध्ये अडकलेल्या भारतीय विद्यार्थ्यांची चिंता, म्हणाला…

दुसरीकडे युद्ध सुरु होऊन १८ दिवस झाले आहेत. या काळात रशियन फौजांकडून युक्रेनवर मोठ्या प्रमाणात हवाई हल्ले करण्यात आले आहेत. यामुळे रशियाला दारुगोळा तसेच मानुष्यबळाची कमी जाणवत असून आगामी दहा दिवासांत रशियाला युद्ध थांबवावे लागेल, असा दावा अमेरिकेचे लष्करी अधिकारी बेन हॉजेस यांनी म्हटलंय.



Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

व्यवस्थित Zoom करून पाहा; अवकाशातून असा दिसतो ‘राम सेतू’… समोर आला पहिला स्पष्ट फोटो अन् नवी माहिती

Ram Setu high resolution photo : राम सेतू… भारतीयांसाठी कमालीचा जिव्हाळ्याचा विषय आणि संशोधकांसाठी संशोधनाचा …

PM साठी फुटपाथ मोकळे करता मग सामान्यांसाठी का नाही? हायकोर्टाचा सवाल; म्हणाले, ‘चालण्याची जागा मूलभूत अधिकार’

Bombay High Court On Footpaths Streets: मुंबई उच्च न्यायालयाने सोमवारी एका प्रकरणासंदर्भात भाष्य करताना पंतप्रधान आणि …