१०८ किलो वजन कमी केल्यानंतर पुन्हा वाढलं Anant Ambani चं वजन, आई नीता अंबानीने सांगितलं या आजाराचं कारण

नीता अंबानी यांनी सांगितलं का वाढलं वजन

TOI ला 2017 च्या मुलाखतीदरम्यान, नीता अंबानी यांनी मुलगा अनंतच्या लठ्ठपणाबद्दलही उघडपणे बोलले. त्यांनी सांगितले की, अनंतला दम्यामुळे स्टेरॉईड्स घ्यावे लागतात. त्यामुळे त्याला लठ्ठपणाचा त्रास होत आहे. रिपोर्ट्सनुसार, यापूर्वी अनंतचे वजन 208 किलो असायचे.

​(वाचा – दारूमुळे Liver सडू लागल्याची ही सुरूवातीची ६ लक्षणे, किती प्रमाणानंतर दारू बनते विष)​

अस्थमाकरता स्टेरॉइड कसे मदत करते

दम्याची लक्षणे (दमा अटॅक) बिघडल्यास, डॉक्टर स्टिरॉइड औषध लिहून देऊ शकतात. हे औषध दम्यामुळे श्वसनमार्गामध्ये होणारी जळजळ कमी करण्यास मदत करते, ज्यामुळे श्वासोच्छवासाची समस्या नगण्य आहे.

(वाचा – Piles Causing Foods : पचनक्रियेला अक्षरशः गंज लावतात हे १० पदार्थ, यामुळेच होतो मुळव्याधाचा त्रास)​

स्टेरॉइडमुळे कसे वाढते वजन

दमा आणि फुफ्फुस संघटना UK च्या मते, जर तुम्हाला दमा असेल, तर तुमची लक्षणे वाढू लागल्याने व्यायाम करणे किंवा सक्रिय राहणे अधिक कठीण होऊ शकते. यासोबतच जास्त वेळ स्टेरॉईड्स घेतल्यानेही सामान्यपेक्षा जास्त भूक लागते. ज्यामुळे वजन वाढण्याचा धोका अनेक पटींनी वाढू शकतो. स्टेरॉईड औषधांमुळे पाणी साचल्याने सूज येण्याचाही धोका असतो, त्यामुळे वजन वाढू शकते.
​(वाचा – Suniel Shetty च्या दिवसाची सुरूवात होते या पदार्थाने, ६१ व्या वर्षी जावई KL Rahul ला लाजवेल असा Fitness)​

या एक्सरसाइज रूटीनने केलं वजन कमी

2016 मध्ये, अनंत अंबानींच्या वेटलॉसने इंटरनेटवर तुफान लोकप्रियता मिळवली. अनंतने केवळ १८ महिन्यांत नैसर्गिकरित्या १०८ किलो वजन कमी केले होते. त्यासाठी तो रोज ५ ते ६ तास व्यायाम करत असे. त्यात २१ किमी चालणे, योगासने, वजन प्रशिक्षण, कार्यात्मक प्रशिक्षण, कार्डिओ यांचा समावेश होता.

(वाचा – Suniel Shetty च्या दिवसाची सुरूवात होते या पदार्थाने, ६१ व्या वर्षी जावई KL Rahul ला लाजवेल असा Fitness)

वजन कमी करण्यासाठी हा डाएट केला फॉलो

अनंतने वजन कमी करण्यासाठी शून्य-साखर, उच्च-प्रथिने आणि कमी चरबीयुक्त, कमी-कार्ब आहाराचे पालन केले. तो दररोज १२००-१४०० कॅलरी वापरत होता.
तसेच त्याच्या ताज्या हिरव्या भाज्या, कडधान्ये, स्प्राउट्स आणि दुग्धजन्य पदार्थ जसे की चीज आणि दूध यांचा समावेश होता. यासोबतच त्यांनी या काळाकरता जंक फूडही पूर्णपणे टाळले होते.
​(इंग्रजीत हे आर्टिकल वाचण्यासाठी येथे क्लिक करा)

टीप : हा लेख फक्त सामान्य माहितीसाठी आहे. हा कोणत्याही प्रकारचा पर्याय असू शकत नाही. अधिक तपशीलांसाठी नेहमी आपल्या तज्ञांशी संपर्क साधावा.