मुंबई विद्यापीठ आयडॉलचे जानेवारी सत्राचे प्रवेश सुरू

वर्ष २०२० मध्ये विद्यापीठ अनुदान आयोगाने जुलै सत्राबरोबरच जानेवारी सत्रातही प्रवेश देण्याची अनुमती देण्यात आली. यानुसार वर्ष २०२२ मध्ये मुंबई विद्यापीठाच्या दूर व मुक्त अध्ययन संस्थेलाही जानेवारी सत्राचे प्रवेश करण्यास मान्यता मिळाली. मुंबई विद्यापीठाला नॅकची ए ++ ग्रेड व ३.६५ गुण मिळाल्यामुळे यूजीसीने आयडॉलला जानेवारी २०२६ पर्यंत सलग पाच वर्षाची मान्यता दिली आहे.हि मान्यता २० अभ्यासक्रमासाठी देण्यात आलेली आहे.

सेमिस्टर पद्धतीमध्ये प्रवेश

आयडॉलमध्ये जुलै सत्रामध्ये सत्र पद्धतीस प्रारंभ झाला आहे. या जानेवारी सत्रामध्ये पदवीच्या प्रथम व व्दितीय वर्ष बीए, बीकॉम व बीकॉम अकौंटिंग अँड फिनान्स बरोबरच पदव्युत्तर प्रथम व व्दितीय वर्ष एमए व एमकॉम मध्येही सेमिस्टर पद्धत सुरु करण्यात आली आहे.एमए मध्ये मराठी, हिंदी व इंग्रजी हे भाषा विषय असून मानव्य व सामाजिकशास्त्रामध्ये इतिहास, अर्थशास्त्र, राज्यशास्त्र, व समाजशास्त्र हे विषयात प्रवेश घेता येईल. तसेच एमए शिक्षणशास्त्र व एमए भूगोल हे अभ्यासक्रमही विद्यार्थ्यांसाठी उपलब्ध आहेत. एमकॉम मध्येही अकाउंट्स व व्यवस्थापन असे दोन समूह विषय विद्यार्थ्यांसाठी उपलब्ध आहेत. हे सर्व प्रवेश ऑनलाइन आहेत. विद्यार्थ्यांनी विद्यापीठाच्या https://old.mu.ac.in/distance-open-learning/ या संकेतस्थळावरून प्रवेश घ्यावा.

IIT मुंबईकडून CEED निकाल जाहीर, थेट लिंकवरुन ‘येथे’ तपासा

NEET UG: तिसऱ्या टप्प्यातील प्रवेश प्रक्रियेला सुरुवात, ‘येथे’ करा नोंदणी