६८ व्या वर्षीही तरूणींना लाजवेल असं सौंदर्य, काय आहे रेखाच्या फिटनेसचं रहस्य, डाएट आणि बरंच काही

रेखाच्या उत्साहाचे रहस्य

Rekha’s Energy Secret: वयासह चेहऱ्यावरील सुरकुत्या, वजन वाढणे, वेगवेगळे आजार, थकवा हे सर्व वाढते मात्र रेखा याला अपवाद आहे. सकाळी लवकर उठणे आणि रात्री लवकर झोपणे हा दिनक्रम रेखाने कायम पाळला आहे. सर्वात महत्त्वाचं म्हणजे रेखा संध्याकाळी ७ ते ७.३० दरम्यान जेवते आणि त्यानंतर ती काहीही खात नाही. इंटरमिटेंट फास्टिंगप्रमाणे रेखाची सवय आहे. रेखा अनेक बॉलीवूडच्या कार्यक्रमांना म्हणूनच दिसत नाही. ती फारच क्वचित कार्यक्रमांना वर्णी लावते. सकाळी लवकर उठणे आणि रात्री लवकर झोप घेणे हे त्वचेच्या आरोग्यासाठी आणि निरोगी शरीरासाठी उत्तम ठरते.

रेखाच्या काळ्याभोर केसांचं रहस्य

Beauty Secret Of Rekha’s Hair: रेखाचे केस आजही तितकेच सुंदर, काळेभोर, कुरळे आणि लांबसडक आहेत. केसांची काळजी घेण्यासाठी रेखा बेसनचा वापर करते असे एका संकेतस्थळाने प्रसिद्ध केलेल्या वृत्ताने सांगण्यात आले आहे. यासाठी बेसनमध्ये दही मिक्स करून हेअरमास्क तयार करण्यात येतो आणि रेखा आठवड्यातून कमीत कमी ४ वेळा केसांना हा हेअरमास्क लावते असं तिने सांगितलं होतं. आजकाल मुली पार्लरमध्ये जाऊन ज्या महाग ट्रिटमेंट करतात आणि केमिकल्सचा वापर करतात, त्याऐवजी नैसर्गिक आणि घरगुती उपायांना रेखाने नेहमी महत्त्व दिले आहे.

रेखाचे डाएट आणि परफेक्ट फिटनेस

Rekha Diet For Weight Loss: रेखाने आजही आपला फिटनेस राखून ठेवला आहे. मात्र बाहेरील खाण्यापेक्षा घरातील जेवणाला रेखा अधिक प्राधान्य देते. सात्विक आणि पौष्टिक जेवण आणि रोजच्या जेवणात दह्याचा समावेश. तसंच फास्ट फूड, जंक फूड, तळलेले आणि मसालेदार खाणे रेखा टाळते. भारतीय पद्धतीने बनलेल्या हिरव्या भाजी आणि हंगामी फळांचा समावेश आपल्या आहारात रेखा करते. यामुळे चेहऱ्यावरील डेड सेल्स निघून पुन्हा नव्या कोशिका निर्माण होतात आणि त्वचा अधिक कोमल आणि आकर्षक दिसते.

(वाचा – चेहऱ्यावरील काळ्या डागामुळे सौंदर्यात येतेय अडचण, तर आजच करा असा आयुर्वेदिक उपाय)

भरपूर पाणी पिणे

Secret Of Rekha’s Glowing Skin: आपल्या चेहऱ्याचे नैसर्गिक सौंदर्य जपण्यासाठी रोज त्वचा हायड्रेट ठेवणे अत्यंत आवश्यक आहे. त्वचा तजेलदार आणि उजळ ठेवण्यासाठी रेखा नेहमी भरपूर पाणी पिते. याशिवाय मूगडाळ, बेसन, दही, गुलाबजल इत्यादी वस्तूंचा वापर करून तयार करण्यात आलेल्या फेसपॅकचाही वापर करते. जेवणामध्ये अधिकाधिक पातळ पदार्थ असतील हे पाहिले जाते. आहारात साधे पाणी, हंगामी फळांचा रस, नारळाचे पाणी, भाज्यांचे सूप हे रेखाची चेहरा अजूनही तरतरीत आणि तरूण दिसण्यासाठी मदत करते.

(वाचा – Dark Underarms ने केलंय हैराण, आठवडाभरात होतील गायब करा ही युक्ती)

परफेक्ट फिगरचे रहस्य

Secret Of Rekha’s Slim Figure: खरं तर रेखा नेहमीच साडीमध्ये दिसते. पण या वयातही रेखाची फिगर परफेक्ट आहे. आजकालच्या मुलींना वजन नियंत्रणात ठेवण्यासाठी खूपच कसरत करावी लागते. रेखा नियमित स्वरूपात योगा, व्यायाम, कार्डिओ व्यायाम, ध्यानधारणा करते, ज्यामुळे शरीराचा फिटनेस चांगला राखण्यास मदत मिळते. नियमित व्यायाम करणे हा रेखाचा दिनक्रम आहे. योग आणि व्यायाम करणे हे सर्वांसाठी सध्या गरजेचे आहे.

(वाचा – त्वचेत उजळपणा आणण्यासाठी करा हळदीचा असा वापर, दिसाल अधिक तरूण)

मन प्रसन्न राखणे

प्रत्येक माणसाचा चेहरा हा त्याच्या मनाचा आरसा असतो हे सर्वांनीच ऐकले आहे. त्यामुळे तुम्ही जेव्हा मनापासून सकारात्मक आणि आनंदी राहता, तेव्हा तो आनंद तारूण्याच्या स्वरूपात तुमच्या चेहऱ्यावर दिसतो. नकारात्मक विचारांपासून दूर राहणे आणि मनात शांतता ठेवणे हे सर्वात जास्त गरजेचे आहे. यासाठी ध्यानधारणेचा आधार रेखा घेते. यासाठी रेखाला बरेचदा आपल्या घराच्या परिसरातील झाडांची काळजी घेतानाही पाहण्यात आलं आहे.

रेखासारखं चिरतरूण राहायचं असेल तर या गोष्टी तुम्हीही आयुष्यात करायला सुरूवात करा. रेखाच्या दिनक्रमातून घ्या प्रेरणा आणि ताणतणवाच्या या आयुष्यात बदल करून तुम्हीही आयुष्य चांगले जगायला सुरूवात करू शकता.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com